Festa da anpa fin de curso 16/17
Sábado, 17 de Xuño de 2017
Presentamos o programa definitivo para a Festa de fin de curso que terá lugar, de 17:00 h. a 19.30 h. nas instalacións do CPI Castro Baxoi, a tarde do día 22.06.2017.
Para acceder ao centro os menores deberán acudir acompañados dun adulto ou ter presentada a correspondente autorización por escrito (a partir de 5º de Primaria). A documentación con toda a información e o modelo de autorización enviarase nas mochilas do alumnado nos vindeiros días.
Agradecemos o apoio das entidades colaboradoras para a realización da festa (CPI Castro Baxoi, Concello de Miño, Erosky City)
FOLGA EDUCATIVA DO 26 DE OUTUBRO
Sábado, 22 de outubro de 2016
O vindeiro 26 de outubro convocamos unha folga xeral educativa contra as revalidas, contra a LOMCE e contra os recortes en educación que vimos sufrindo os últimos anos. Dita folga consistirá en baleirar as aulas de todos os centros educativos do país.
A convocatoria é conxunta cos nosos fillos e fillas, alumnado que está
ameazado coas reválidas e que soporta a cotío nos seus centros educativos a
implantación da LOMCE e os recortes impostos, atacando así o seu dereito á
educación.
Desde que se impuxo a LOMCE, asistimos tamén á aprobación reiterada de
proposicións non de lei (PNL) e a resolucións que piden unha e outra vez a súa
derrogación, a paralización do seu calendario e a eliminación das reválidas.
Todo isto é moi importante para amosar que o rexeitamento da lei e
específicamente das reválidas, é maioritario, mais carece de forza legal que
poida obrigar ao Goberno a súa anulación.
Achegamos un exemplo de xustificante de ausencia.
ASEMBLEA XERAL ORDINARIA
Martes, 18 de outubro de 2016
Convócase aos socios/as e ás nais e pais de alumnos do CPI Castro Baxoi á asemblea xeral ordinaria, que se celebrará o XOVES , 20 de outubro, na sala de usos múltiples do colexio, ás 19:30 na primeira convocatoria e ás 20:00 en segunda convocatoria coa seguinte orde do día:
1.-Lectura e aprobación da acta da asemblea anterior.
2.-Memoria de xestión:
2.1.- Informe de xestión da Xunta Directiva: Memoria anual do curso 2015-2016.
2.2.- Estado de contas do exercicio anterior.
2.3.-Subvencións e convenios de colaboración da Anpa coas administracións públicas.
3.- Programa mañanceiros e comedor escolar. Informe da xunta directiva.
4.-Banco de libros: Informe da xunta directiva.
5.-Actividades extraescolares: Informe da xunta directiva e aprobación da contía das achegas propostas para o curso 2016-2017.
6.-Participación da Anpa no Consello Escolar.
7.- Renovacións, ceses e nomeamento dos cargos da xunta directiva.
8.- Rolda de intervencións, rogos, suxestións e preguntas.
Miño, 2 de outubro de 2016.
A Secretaria accidental: María Arantzazu Domínguez Villanueva asdo.
O Presidente: Francisco Jesús Bustabad Anido asdo.
NOTA DE INTERESE - SERVIZO DE CONCILIACIÓN: co ánimo de facilitar a asistencia e a participación das familias na Asemblea, haberá, no mesmo horario, un servizo de conciliación (para as nenas e nenos a partir de 4º de Educación Infantil) que prestará a empresa Novo Alicerce S.L. Para ter unha previsión do persoal que se precisará para atender o servizo, rogamos ás familias que nos remitan unha mensaxe a correo@anpacastrobaxoi.gal indicando os datos básicos das nenas e nenos que van empregar o servizo (nome e apelidos, data de nacemento, curso, nome do pai/nai/titor/titora, etc.)
EXTRAESCOLARES DEFINITIVAS PARA O CURSO 2016-2017 E SEGURO DE ACCIDENTES
Martes, 11 de outubro de 2016
Confirmamos que para a semana do 10.10.2016 ao 16.10.2016 funcionarán as seguintes actividades extraescolares (todas comezaron na semana do 03.10.2016 agás Artes Plásticas que se incorpora):
- .- Xadrez (luns de 16 a 18 h.)
- .- Nenoos Mini 1-2 (martes de 16 a 17h.)
- .- Música e Movemento (grupo I - martes de 16 a 17h.; grupo II - martes de 17 a 18 h.)
- .- Nenoos Junior 3-5 (luns e mércores 17-18h)
- .- Atletismo (mércores de 18 a 19 h.)
- .- Judo (martes e xoves de 16 a 17 h.)
- .- Zumba (martes de 17 a 18 h.)
- .- Combo Musical (martes de 16 a 17.30 h)
- .- Niñ@s felices (grupo 1 de 16.00 a 17.00 h.)
- .- Artes plásticas (grupo xoves de 16.00 a 18.00)
Os grupos para as actividades de Judo, Música e Movemento, Niñ@s Felices e Zumba quedan pechados con data de 11.10.2106. As inscricións que se reciban para as ditas actividades pasarán á listaxe de agarda.
Debido ao baixo número de inscricións rexistradas as actividades de: Robótica e Escalada non poden comezar polo momento. Seguimos a aceptar inscricións para intentar acadar un grupo mínimo de interesados.
En canto á actividade de Baloncesto, anunciamos que, debido ao baixo número de alumnas e alumnos inscritos na actividade de Baloncesto e á necesidade de optimizar o emprego das instalacións deportivas que tiñamos solicitadas, temos que desistir de levar adiante a dita actividade ao longo do curso 2016/2017.
Como novidade para o curso escolar 2016/2017, por decisión da Xunta Directiva, os servizos de extraescolares, comedor e mañanceiros comparten seguro de accidentes que as familias aboarán, nun pagamento único de 5 € por cada filla ou fillo que participe nalgunha actividade que organice a asociación. A unificación e obrigatoriedade do seguro elimina duplicidades (o ano pasado as usuarias e usuarias de mañanceiros pagaban 10€ polo seguro; en comedor pagarían 4€; as extraescolares ou saídas que organiza a ANPA non estaban cubertas, as festas e eventos fóra do horario escolar tampouco, etc.)
Por todo o dito, consideramos que estaba xustificada, e mesmo indicada, a contratación dun seguro único, común e obrigatorio que garante ademáis uns niveis mínimos de cobertura e asistencia para as nenas e nenos que participan nas nosas actividades.
Todavía é posible a través do formulario de inscrición anotarse nas extraescolares para este curso. Lembrade que os formularios se deben entregar na secretaría do centro (que rexistrará a entrega) ou ao correo inscricions@anpacastrobaxoi.gal.
Consulta toda a oferta e horarios na sección Actividades->Extraescolares
CONVOCATORIA ASEMBLEA XERAL ORDINARIA
Domingo, 02 de outubro de 2016
Convócase aos socios/as e ás nais e pais de alumnos do CPI Castro Baxoi á asemblea xeral ordinaria, que se celebrará o XOVES , 20 de outubro, na sala de usos múltiples do colexio, ás 19:30 na primeira convocatoria e ás 20:00 en segunda convocatoria coa seguinte orde do día:
1.-Lectura e aprobación da acta da asemblea anterior.
2.-Memoria de xestión:
2.1.- Informe de xestión da Xunta Directiva: Memoria anual do curso 2015-2016.
2.2.- Estado de contas do exercicio anterior.
2.3.-Subvencións e convenios de colaboración da Anpa coas administracións públicas.
3.- Programa mañanceiros e comedor escolar. Informe da xunta directiva.
4.-Banco de libros: Informe da xunta directiva.
5.-Actividades extraescolares: Informe da xunta directiva e aprobación da contía das achegas propostas para o curso 2016-2017.
6.-Participación da Anpa no Consello Escolar.
7.- Renovacións, ceses e nomeamento dos cargos da xunta directiva.
8.- Rolda de intervencións, rogos, suxestións e preguntas.
Miño, 2 de outubro de 2016.
A Secretaria accidental: María Arantzazu Domínguez Villanueva asdo.
O Presidente: Francisco Jesús Bustabad Anido asdo.
ABERTO O PRAZO MATRÍCULA PARA OS SERVIZOS DE COMEDOR E MAÑANCEIROS
Luns, 7 de setembro de 2016
Co comezo do curso escolar 2016/2017, comezan tamén a funcionar tamén os servizos de comedor e mañanceiros.
O prazo de inscrición para os alumnos que comezan o 12.09.2016 a empregar o servizo remata o 08.09.2016.
A ANPA do CPI Castro Baxoi de Miño xestiona o comedor escolar do Castro Baxoi, en colaboración coa Federación Provincial de Anpas de Centros Públicos da provincia da Coruña e a empresa Jardanay S.L. O Concello de Miño convoca en cada curso axudas para a asistencia ao comedor, que concede segundo criterios socio-económicos (para este ano o anuncio de aprobación das bases é do 05.09.2016 - máis información na Oficina de Servizos Sociais do Concello). Consulta toda a información na sección de Actividades->Comedor.
Mañanceiros é un servizo de conciliación que organiza a ANPA en colaboración coa empresa Alicerce Eventos S.L. Xa se pode facer a reserva de praza paranote a actividade de Mañanceiros para o curso 2016-2017. Consulta toda a información na sección de Actividades->Mañanceiros.
Como novidade para o curso escolar 2016/2017, por decisión da Xunta Directiva, os servizos de comedor e mañanceiros comparten seguro de accidentes que as familias aboarán, nun pagamento único de 5 €.
PROPOSTA EXTRAESCOLARES 2016-2017
Luns, 5 de setembro de 2015
Próximamente publicaremos a proposta de actividades extraescolares para o curso 2016/2017.
ABERTO O PRAZO MATRÍCULA PARA O SERVIZO DE MAÑANCEIROS
Luns, 5 de setembro de 2016
Co comezo do curso escolar 2016/2017, comeza a funcionar tamén o servizo de Mañanceiros que organiza a ANPA en colaboración coa empresa Alicerce Eventos S.L. Xa se pode facer a reserva de praza para a actividade de Mañanceiros para o curso 2016-2017. Consulta toda a información na sección de Actividades->Mañanceiros.
ABERTO O PRAZO MATRÍCULA PARA O SERVIZO DE MAÑANCEIROS
Luns, 5 de setembro de 2016
Xa se pode facer a reserva de praza para a actividade de Mañanceiros para o curso 2016-2017. Consulta toda a información na sección de Actividades->Mañanceiros.
22 de XUÑO - FESTA DE FIN DE CURSO 2016
Xoves, 16 de xuño de 2016
Presentamos o programa definitivo para a Festa de fin de curso que terá lugar, de 16.30 h. a 19.30 h. nas instalacións do CPI Castro Baxoi, a tarde do día 22.06.2016.
Para acceder ao centro os menores deberán acudir acompañados dun adulto ou ter presentada a correspondente autorización por escrito (a partir de 5º de Primaria). A documentación con toda a información e o modelo de autorización enviarase nas mochilas do alumnado nos vindeiros días.
Agradecemos o apoio das entidades colaboradoras para a realización da festa (CPI Castro Baxoi, Concello de Miño, Vázquez y Garzón S.L.)
Contamos con vós para pasar unha tarde diferente como peche do curso.
NON FALTEDES!!!
a anpa manterá o servizo de comedor e mañanceiros ata o último día de curso
Luns, 6 de xuño de 2016
Lembramos a todas as familias usuarias de mañanceiros e comedor que poderán empregar ámbolos dous servizos ata o último día de clase deste curso escolar, é dicir, o 22.06.2016 (incluído). Recordamos tamén que, ante calquera incidencia no funcionamento do servizo, teñen á súa disposición o teléfono da asociación: 682 321 886 (se por razóns de servizo ou cobertura o teléfono estivese fóra de servizo deberán agardar ao remate da locución do contestador para poder contactar con algún membro da asociación).
XORNADA DE PORTAS ABERTAS E PECHE DAS ACTIVIDADES EXTRAESCOLARES
Luns, 6 de xuño de 2016
Como novidade para este curso, a Anpa organiza unha xornada de portas abertas, que servirá tamén de peche para cada unha das actividades extraescolares que desenvolve no noso centro. Convidamos a todas as familias a acompañar e participar activamente na xornada acompañando aos rapaces ao longo da actividade.
O calendario é o seguinte:
| actividade/data | luns 13.06 | martes 14.06 | mércores 15.06 | xoves 16.06 | venres 17.06 |
| Xadrez | de 16 a 18 h. | ||||
| Judo | de 16 a 17 h. | ||||
| Zumba | de 17a 18 h., no Pavillón | ||||
| Artes plásticas | de 16 a 18 h. | ||||
| Baloncesto | de 16 a 17 h. |
Lembramos tamén que a semana do 13.06.2016 ao 17.06.2016, é a última semana de actividades extraescolares.
O GRUPO DE JUDO PREMIADO NA EDICIÓN 28 DO TROFEO MIGUELITO
Luns, 31 de maio de 2016
Cun total de 84000 participantes ao longo das súas 28 edicións, o trofeo Miguelito, que tivo lugar no Coliseum da Coruña o pasado domingo 29, foi unha cita destacada para os judokas do CPI Castro Baxoi de Miño.
Os bos resultados acadados en xeral, nesta actividade que organiza a ANPA, nos traballos de caídas, técnicas en pé e defensa persoal, fixeron merecedor ao grupo e aos seus mestresdun dos "premios á técnica" que a organización repartía nesta edición.
Ao remate, unha das parellas, a formada por Daniela C. e Teo A., que obtivera previamente a calificación de excelente en todas as técnicas desenvolvidas, tivo a oportunidade de facer a súa exhibición no tatami central.
Unha organización impecable e, o mellor premio, o soriso das nosas nenas e nenos ao rematar.
Excursión en familia - sábado 4 de xuño
Sábado, 21 de maio de 2016
A Anpa do Castro Baxoi de Miño organiza e cofinancia unha excursión en familia para o sábado 4 de xuño. Para a xornada programouse un amplo abano de actividades culturales e de lecer pensadas para disfrutar dun día divertido e diferente en familia, en comunidade e a un prezo axeitado.
Dirixido a: familias do CPI Castro Baxoi (Nais, pais, escolares, profesorado ou persoal non docente. Familias de entidades colaboradoras coa Anpa.
Datas: Das 9.30 h. ás 21.00 h. do sábado 4 de xuño .
Lugares: Fragas do Eume e a súa contorna.
Inscricións: aberta a ta o venres 27 de maio; Apúntate en inscricions@anpacastro baxoi.gal
AVALICIACIÓNS DE 3º E 6º DE PRIMARIA: COMUNICADO DA PLATAFORMA EN DEFENSA DO ENSINO PÚBLICO DE GALICIA
Sábado, 7 de maio de 2016
Publicamos o comunicado da Plataforma en Defensa do Ensino Público de Galicia que resume os puntos polos que a Federación Provincial de ANPAs da Coruña, á que pertence e coa que está aliñada a nosa asociación, rexeita as probas de avaliación da LOMCE.
NENOOS WEEK - XORNADA DE PORTAS ABERTAS
Domingo, 1 de maio de 2016
Os días 24 e 25 de maio está prevista a "Nenoos Week" - xornada de portas abertas. A xornada vai dirixida ás familias con alumnos inscritos nesta actividade que poderán participar e compartir un día de de clase cos seus fillos e observar a súa evolución.
COMUNICADO DA PLATAFORMA
EN DEFENSA DO ENSINO PÚBLICO
Abril de 2016
PROGRAMA DE ACTIVIDADES PARA NEN@S, PAIS, NAIS E PROFESORADO
Venres, 11 de marzo de 2016
Desde a ANPA do CPI Castro Baxoi presentamos unha proposta de actividades dirixidas ás familias e a todas as persoas que forman a Comunidade Educativa, co obxectivo de facilitar aos pais, nais e profesores, información e ferramentas que orienten na educación dos nosos fill@s.
No seguinte tríptico informativo atoparedes toda a información sobre a programación dos talleres, temporización, prazos de inscrición, prezos, etc.
Descarga o programa das actividades.
Para cada obradoiro elaborouse tamén unha pequena sinopse cos puntos esenciais que se traballarán:
+ Arteterapia: taller de Arte Katzae. Arte para o benestar.
Agardamos que a proposta sexa do voso agrado e contamos coa vosa participación.
CONFAPA esixe á Consellería de Educación información sobre as medidas a adoptar respecto dos resultados da Avaliación Final de Primaria
Venres, 12 de febreiro de 2016
Facémonos eco da postura común das Asociacións de Nais e Pais de Centros públicos de Galicia, representados en CONFAPA GALICIA, que solicitamos á Consellería de Educación información sobre as medidas que se van a adoptar respecto dos resultados da Avaliación Final de Primaria.
Facemos público o texto completo do comunicado deixando constancia da nosa oposición a estas medidas e a LOMCE na súa totalidade.
+ Consulta a nota de prensa completa.
BO NADAL E FELIZ ANO 2016
Mércores, 23 de decembro de 2015
A Xunta Directiva da Anpa desexa á comunidade educativa do Castro Baxoi, ás institucións relacionadas e ás entidades colaboradoras, un bo nadal e feliz ano 2016.
*A postal deste ano leva a imaxe dalgúns dos traballos realizados polo alumnado
da actividade de Artes Plásticas con motivo destas datas.
NOVA UBICACIÓN DO COMEDOR
Domingo, 13 de decembro de 2015
A partir do martes 15 de Decembro, o servizo de Comedor e Mañanceiros deixará de realizarse na Aula de usos múltiples, como se viña facendo ata agora, e terá lugar xusto debaixo desta, nun novo espazo dedicado exclusivamente a este fin. Os pais e nais que deixen ós seus fillos e fillas en Mañanceiros, deberán baixar polas escaleiras que hai a continuación da secretaría, e unha vez abaixo, á man dereita, localizarase o novo comedor. De todas formas adoptaranse as seguintes medidas a fin de facilitar a nova localización onde:
.- Colocaranse sinais na zona de acceso ó centro, para unha mellor orientación do novo espazo.
.- Os usuarios de Mañanceiros serán chamados e informados persoalmente por teléfono.
En calquera caso sinalar que as entregas do servizo de Comedor continuarán facéndose no procedemento de sempre.
Se alguén ten algunha dúbida ó respecto, poderase poñer en contacto coa ANPA.
A Xunta Directiva da Anpa.
MERCADO SOLIDARIO - NADAL 2015
Eses xoguetes e contos que xa non utilizas, ponos en circulación!
Poñeremos á venda as vosas doazóns e cos cartos que xuntemos faremos unha achega a beneficio de ASANOG (Asociación de axuda a nenos oncolóxicos de Galicia). O material que non se venda destinarase ao colexio.
Recollida de doazóns:
.- Do día 9.12.2015 ao 17.12.2015 (ámbolos dous incluídos): no porche da entrada do colexio haberá un contedor destinado á recollida.
.- Os días 16.12.2015 e 17.12.2015, de 17.00 A 19.00 h., estará aberto o baixo das pistas, debaixo da Escola Infantil.
Puntos de venda:
.- Venres, 18.12.2015, no porche da entrada do colexio.
.- Domingo 20, no feirón municipal.
Anímate e participa!
Desde a ANPA animamos a todas as familias a difundir a iniciativa e participar, na medida das súas posibilidades, nas doazóns e nas compras deste mercado. Tamén solicitamos a colaboración dos vosos peques, de 5º e 6º de primaria, para que, se lles apetece, participen con nós na venda dos artigos.
Colaboran coa ANPA na organización desta actividade:
.- Colexio Público Integrado CASTRO BAXOI.
.- Concello de Miño.
AXUDAS PARA A ADQUISICIÓN DE MATERIAL ESCOLAR
A Consellería de Educación convoca axudas para a adquisición de material escolar destinadas ao alumnado matriculado en educación primaria, educación secundaria obrigatoria ou educación especial en centros sostidos con fondos públicos para o curso escolar 2015/16. Requisitos: Ser pai/nai/titor ou titora legal do alumnado matriculado en educación primaria, educación secundaria obrigatoria ou educación especial nun centro sostido con fondos públicos durante o curso escolar 2015/16. Ter unha renda per cápita familiar igual ou inferior a 5.400 €. Contía das axudas: 50 € por alumno/a O prazo para presentar solicitudes estará aberto ata o 21 de novembro de 2015. As solicitudes poden tramitarse en https://sede.xunta.es co procedemento ED330F.
Máis información no DOG do 10 de novembro de 2015 e en www.edu.xunta.es.
FESTIVIDADES DO DÍA DO ENSINO E DO DÍA SEGUINTE A TODOS OS SANTOS
Lembramos a todas as familias que os días 30.10.2015 (venres) e 02.11.2015 (luns) son días non lectivos, fixados no calendario do centro, polo que non haberá clases e tampouco funcionarán os servizos e actividades que desenvolve a ANPA no centro: mañanceiros, comedor nin as actividades extraescolares.
RESULTADOS DA ASEMBLEA XERAL ORDINARIA
O pasado venres 23.10.2015, en segunda convocatoria, celebrouse a Asemblea Xeral Ordinaria, que contou coa asistencia dunhas 27 socias e socios.
Ao longo da asemblea fóronse aprobando por unanimidade cada un dos puntos que figuraban na orde do día da convocatoria: acta da sesión anterior, Memoria de Xestión, informes da Xunta Directiva respecto dos programas de mañanceiros, comedor e extraescolares, informe de participación da asociación no Consello Escolar e proposta de renovación da Xunta Directiva. Foi este último o momento máis emotivo da xornada e no que se puxo de manifesto o agradecemento de todos os asistentes e o recoñecemento da inmellorable labor desenvolvida durante os últimos anos polos membros saíntes da Xunta Directiva. Deste xeito, tanto Concepción González Sarria como Rafael Vázquez Piñeiro, que asistiron á Asemblea, puideron recibir en persoa o cariño das compañeiras e compañeiros da asociación que se fai extensible ao resto de membros da Xunta Directiva que non renovaron este ano a súa participación. Na sección adicada a "Como Participar" desta web pódese consultar como quedou a configuración da nova Xunta Directiva.
Para rematar, en rogos e preguntas, saíron temas como o coidado e mellora das instalacións, a prevención dos riscos e perigos potenciais no centro ou a necesidade de avanzar na coordinación das actividades extraescolares co resto de clubes e entidades que as propoñen.
NOVO TELÉFONO PARA URXENCIAS
Xa está en servizo o novo número de teléfono para avisar de incidencias graves ou relativas á recollida ou entrega dos rapaces no servizo de comedor. Poden chamar ao móbil número 661 709 913, que estará activo entre as 14:00 e as 16:00 h.
Antes de chamar valore a urxencia ou necesidade da chamada, para evitar retrasar o traballo das monitoras.
convocatoria asemblea xeral ordinaria
Martes, 6 de outubro de 2015
Convócase aos socios/as e ás nais e pais de alumnos do CPI Castro Baxoi á asemblea xeral ordinaria, que se celebrará o venres, 23 de outubro, na sala de usos múltiples do colexio, ás 20:00 na primeira convocatoria e ás 20:30 en segunda convocatoria coa seguinte orde do día:
1.-Lectura e aprobación da acta da asemblea anterior.
2.-Memoria de xestión:
2.1.- Informe de xestión da xunta directiva: Memoria anual do curso 2014-2015.
2.2.- Estado de contas do exercicio anterior.
2.3.-Subvencións e convenios de colaboración da Anpa coas administracións públicas.
3.- Programa mañanceiros e comedor escolar. Informe da xunta directiva.
4.-Banco de libros: Informe da xunta directiva.
5.-Actividades extraescolares: Informe da xunta directiva e aprobación da contía das achegas propostas para o curso 2015-2016.
6.-Participación da Anpa no Consello Escolar.
7.- Renovacións, ceses e nomeamento dos cargos da xunta directiva.
8.- Rolda de intervencións, rogos, suxestións e preguntas.
Miño, 6 de outubro de 2015.
A Secretaria, Gema García Lores
CALENDARIO ESCOLAR 2016-2017
Colaboran coa web:
