Programa de Lectura co Cans

 

ᴘʀᴏɢʀᴀᴍᴀ ᴅᴇ ʟᴇᴄᴛᴜʀᴀ ᴀꜱɪꜱᴛɪᴅᴀ ᴄᴏ CANS: Algúns dos obxectivos que contribúe este programa son mellorar a capacidade lectora e a motivación cara á lectura, a autoestima, a seguridade dos participantes, a confianza, a atención. e concentración, expresión oral e relación cos demais. Este programa está dirixido a escolares con necesidades educativas específicas a nivel lector, de autoestima ou a nivel social.
O programa no CPI Castro Baxoi desenvolverase de outubro a xuño, dentro do horario lectivo. Será 1 sesión de 20 minutos por participante. O equipo de READ que levará a cabo as sesións neste centro estará formado por un can lector denominado “NALA”, especialmente adestrado para realizar este traballo, e a súa guía canina Laura que dirixe a sesión, co seguimento do Equipo de orientación do centro. https://www.perrosyletras.com/
Cans e Letras – R.E.A.D. España

 

Hoxe vén de presentarse ao colexio N̲a̲l̲a̲, unha nova compañeira canina que pertence á Asociación Cans e Letras, e que xunto coa súa guía, Laura, dará apoio a algún dos nosos alumnos, en colaboración co departamento de orientación.
A Asociación Cans e Letras desenvolve o Programa READ de lectura asistida con cans, a través do cal traballan a lectura, as habilidades sociais e o reforzo da autoestima. O programa será financiado pola ANPA Castro Baxoi e a Consellería de Educación.

Convivencia e Benestar

ACTIVIDADES FINANCIADAS E CON PARTICIPACIÓN DA ANPA MIÑO Castro Baxoi COA COMUNIDADE EDUCATIVA. Neste proxecto potenciaranse as relacións coa educación emocional e a boa comunicación, esta desenvolverase no primeiro trimestre do curso (3o, 4o, 5o e 6o de EP). O que busca a Convivencia e o Benestar é: Inclusión, ambiente seguro, paz, sentirse valorado, comprensión, confianza e tranquilidade.

Ioga na Escola

Colaboración co Programa Ioga na Escola: que vai dirixido ao alumnado de Educación Primaria (1º a 6º EP), terá 4 sesións ao longo do curso repartidas entre martes e xoves segundo o calendario. Os obxectivos a traballar serían: Presentar o ioga como un instrumento de relaxación e gozo, Traballar a respiración e o seu manexo para acadar a calma e Aproximación ao control corporal e á conexión mente-corpo.